فرید بھنڈار

''سُنیائے راتیں رُخ1 تکیو ای،

نپِیئو ای پُوچھل

اوس اُڈاری ماری اے،

توں وی نالے گیوں

وت2 ست اسمانیں آیوں،

کُجھ تے وکھا نا سانوں وی

کیہ ویکھیا ای''

''ویکھیا اوہنے ہوسی جو ہوسی

میں تے اوہدی پُوچھ ای ہوئی رہیاں،

جاتم اُڈ سِند باد جہازی رُخ ایہہ کریسی مینوں،

مُڑ مُڑ رہیا بھواندا

میں پُوچھل نہ چھڈی،

جد پرتِیئم1 پتہ لگا اوہ تے لگّڑ2 ہا

کاواں مار مُکانا''

1- رُخ= اِک کہان پکھو-2 -وت= پِھر (ورتن= بھون، پِھرن)-

1- پرتِیئم= میں پرتیا-2 -لگّڑ= اِک شکاری پکھو جیہدے بارے بُلھے شاہی کافی وِچ آیا اے:'' کاں لگّڑ نوں مارن لگے چِڑیاں جُرعے ڈھائے''