''اُرانہہ آویں نا مالی یار''
''آیا……
دسو کیہ گل اے''
''ایہہ ویکھ نا گملے جِتھاؤں چا
تُدھ پرانہہ دھرے نیں
اُتھاں گھاہ دا حشر کیہ ہویا اے''
''کیوں
کیہ ساہویں تُساڈے ہو رویا اے؟''
''دبّ مِدّھ سُکایا ای''
''گِنو نا گملے
آہو، باراں،
یاراں تھلّے سُکیائے دبِیجا گھاہ،
بارھواں ویکھو نا
گول گھتیرا کنڈھے وگیا کھالا اے
وِچلے گھاہ دوالے،
اوہ قلعہ اے ایہہ فصیل کلاوہ
اوہدی راکھی پیا کریندائے''
''تے باقی یاراں؟''
اوہ وِچ گراونڈ دے فیلڈر نیں
ایہہ بارھواں باہر اے
لوڑ پئی جے اندر کِسے سنگی نُوں
اوہدی جا تے ونج کھلوسی''
''ہاریا ہویا میچ اے''
''ہر کے ای ہریاں ہوناسُ،
جیویں اساں
مِلکھ دی باندھوں مر کے''