بنگالی لِکھیار سعید احمد دا کِھیال اِک بنگالی لوک کہانی اُتے اُساریا گیا- سعید احمد دے آپنے رچے انگریزی رُوپ ”سروائیول“ نُوں 1967ء وِچ پنجابی وِچ ڈھال کے ”جنگل دا راکھا“ بنایا گیا- ”جنگل دا راکھا“ ”امروز“ اخبار دے پنجابی صفحے وِچ قِسط وار چھپیا- مگروں مجلس شاہ حُسین نے ایہدی کتاب کڈھی- اوہنِیں دِنیں مجلس شاہ حسین نے رفیع پِیر ہوراں دے تھاپڑے نال اِک راس ڈھانی وی جوڑی- اوہدا ناں راس رنگ رکھیا گیا- راس رنگ نے 1968ء وِچ مادھو لال حسین دے چراغاں دے میلے تے آرٹس کونسل الحمرا وِچ ”جنگل دا راکھا“ کھیڈیا- کِھیال رچایا محمد انور تے آپ سعید احمد نے- آہری نصیر ملکی سن تے کھڈار سن:
کھوتا - مرید احمد
شیر -طاہر بٹ
کُتا - حسین شاہد
گِدڑ - نذیر حسینی
جاکُو -ایوب خان
گھڑیالن - منور توفیق
کھیڈ وِچ گھڑیال بچیاں دا رُوپ چھ نِکیاں نِکیاں بالاں دھاریا- اوہ وڈے ہو کے خبرے کِتھے گئے تے آپنے ناں وی نالے لے گئے-
ترونہہ راتاں مگروں آرٹس کونسل والیاں کھیڈ روک دِتی-
پاتر
کھوتا
گِدڑ
شیر
کُتا
گھڑیالن
تے
اوہدے بچے-----