"ٹھیک پئے آہندے او
ہر بُھل اندر ٹھیک وی وڑ کے بیٹھا ای ہوندا اے
پر ہر ٹھیک دے جُل وچ بُھل وی ہوندی اے کدھرے
جیویں جے کو ئی آکھے
سن اٹھاراں سو سنتالی وچ ای انی سو سنتالی ناندھیا گیا
تے ٹھیک تے ایہ وی اے
پر جے کوئی آکھے
ناندھ تے ایہ تدوکی
جدوں جی نے جی دی کیتی گوڈے ہیٹھاں دے کے
جی اجی کر دتا
تےٹھیک تے اوہ وی اے
دونہاں ٹھیکاں وچ بُھل کوئی اک تے نہیں
پر دو وی نہیں،
کڈھ گوڈے ہیٹھ دتی کُل کیتی
ورتن سانجھ وساون دا کم ایس گھڑی جے اساں تُساں رل جھوہتا اے
تے ایہ وی آہر چِروکا اے
پر جتنا چروکائے اوتنا اجوکا ئے
ٹھیک نہیں ؟"
"ٹھیک اے پر بُھل نوں بُھلاوا کر دیون دا کم وی اوتنا پُرانا اے
جتنا ٹھیک نوں ٹھیکہ کر گِھنن دا"
ناندھن:شروع کرن - ناندھ : مُڈھ ،آغاز ، بِگنِنگ-
جھؤن: شروع کرن۔