پچُھیا مینوں
جد ایس پِنڈ میں آیاں
اِک چِٹی داڑھی والے بزرگ نے
''کون ہوندے او تُسیں''
میں سِر نوا کے آکھیا،''جی میں کون ہوناں''
تھوڑا جیہا ہس آہندا اے بابا
''کیہڑی جُوہ دی جات ہے ایہہ''
''ہر جُوہ دی جی''
''کار ایہہ کیہڑی کریندے نیں''
''جیہڑی ایہناں دی جات نہ بدلے''
''اوہ کیہڑی،
جیہڑی ایہہ کریسن اوہا ای اکھویسن کہ''
''اِکو ای ہے اوہ''
''دسو کیہڑی''
''جو ایس جہانِیں ہوندی اے پئی
اوہنوں اصلوں مُکاون
جِیوندیاں جِیاں دی ہوند وٹاون''
بابے اِک پل تک اچنبھا
گُھٹ مینوں جپھی پائی
''لؤ، میں وی اج توں کون ای ہاں''