فرید بھنڈار

''سِیر1 منان2 تے سِیر سُنجان3

دو ناں مینوں دِتے نیں سنگیاں

چون4 مینڈے تے چھوڑی نیں

تُوں دس نِیری5، کیہڑا رکھاں''

''سِیر سُنجان تے سِیر مان

تاں ای ہوویں تُوں دان''

''سمجھ ہُن لگی اے

کیویں ہونا اے میں دان تینڈا''

''بس،

تُوں ہُن ہیں دان

ناں دی تینوں لوڑ نہیں

ایہا پینڈا6 ایہا استھان7

اگے کوئی موڑ8 نہیں''

1- سِیر= 1) سانجھ، 2) وگدا پانی-2 - منان= 1) منان ہارا، 2) مانن ہارا-3 - سُنجان= پچھانن ہار-4- چون= چُنن، سِلیکٹ کرن دا عمل-5 - نِیری= 1) نِیر دی، 2) نِیر ورگی (نِیر= پانی)، 3) پانی وِچ اُگیا بُوٹا، نِیل کَول، 4) نِیل، 5) نِیلی-6 - پَینڈا= راہ، سفر-7 - استھان= تھاں، مقام-8- موڑ= 1) مناہی (موڑن توں)، 2) رستے دا مُڑن-