فرید بھنڈار

''دسّو کِتھے اے باہر شہر دا

سانُوں تے دِسدا کوئی نہیں''

''ہوندا ہوسی جدوں شہر اجے ایہہ

پیا ای نا ہا

ہُن تے خبرے لُکیا پیا اے چِت وِچ کِتلے1''،

''آکھو نہ دسن سانُوں جو بھیتی2 اچیتی3 نیں''

''سچی پچُھو تے باہر ہُن تاں ہے ای کوئی نہیں

سارا جہان ای ہویا پیا اے شہر''

''ول4 تاں لگدا اے ایہہ آپ ای لُکاء5 اے''

''کاہدا''

''جو ایہدا اُلٹاء اے''

1 -کِتلے= کِتے، کِدھرے- 2 -بھیتی= راز دان، جانُو -3 -اچیتی= اچیت دے (اچیت= لاشعُور،

اَن کونشس، حاضر سُرت توں پرے)- 4- ول= پھیر- 5 -لُکاء= اوہلا، چھُپن-