فرید بھنڈار

ستّے نہراں نِکل چنانہوں

آپ چنانہہ تھی گئیاں

ہُن ستّاں دیاں دندیاں تے

عاشق دستے پئے اُڈیکدے نیں:

پانی پِیچدا نوِیاں جگِیراں

کدن نِرویا ہو پرتنائے

تے سانُوں مِلنائے پنجاں پِیراں دا حُکم

سیالاں دی جُوہ جاون دا

جِتھاں سُنیا اے ہُن ہِیراں نہیں جاوندیاں 1،

چلو ایہہ بنس2 ای بنسی سہی

ساڈے کول وجاون والی

ہور تے کوئی شے نہ ہوئی

آپ تے ویکھو وجنے3 ای نا پئے اخبارِیں

1- جاوندیاں = جمدیاں -2 -بنس= 1) شجرہ نسب، خاندان، گھرانا، 2) رِیڑھ دی ہڈی، 3) تلوار دی دھار، 4) جنگ دا سامان-3- وجن= 1) مشہور ہوون، 2) بُرا ورتارا جھلن، مار کھاون، کُٹیا جاون-