پول گول گتّے دا
پہیہ کر کے اُپر ولھیٹے جاندے نیں
کاگت پُونجھل،
مُک وَیندے نیں کاگت جدوں
تاں پول گَتَل بے کارا جان
اسیں کُوڑے وِچ سٹیندے ای آئے آں،
اج اچیتیں اوہدی کار اِک باہوڑ پئی،
سَت تِیلڑ پَیری
تے دو پَتلیاں کھمباں والی مکَوڑی
ڈَھلی اساڈی جھولی،
اسیں پول پہیئے دا دھریا اوہدے اُتے
اوہ بُھڑک اوہدے وِچ سَر گئی،
تُرت اساں بول دے دوئے مُونہہ تَلیاں نال مِیٹ دِتے،
باہر کَھڑ کے کھول پول مکَوڑی وت اُدھاری،
جَھب اُڈاری مار ویہنی ٹَپ اوہ
رُکھ دے تن نال پَلِم گئی