فرید بھنڈار

''انھّی1 پئی ہوئی اے''

''کِتھے''؟

''ہر تھاں''،

''گڈّی2 چلا کے آیاں

راہ وِچ میں تے ڈِٹھی3 کوئی نہیں''،

''تیرے جیہاں نُوں سُنگھ سجاکھی4 تھی وَیندی اے''

''میرے جیہاں کول

تیرے جیہاں کولوں

کیہڑی اے وکھری گل''؟

''مَلّ سَلّھ5،

جیہڑی تُوں ویاہی ہوئی اے،

اوہا ای انھّی پاون آئی ہوئی اے''

''کٹھے6 کھیڈدے پڑھدے آئے آں

توں پِیئو1 دے آکھن تے نوکری کر لئی

میں پِیئو دا دِتا وپار2 سمھال لیا''

''پیئواں پوائے لاہیئے تاں ای

اِک دُوجے نُوں جان مان کے مِلیئے گِلیئے3''

''سی کے4 آپے اِکو جیہے وت5 پائیے''

1- انھّی: 1) لُٹ، بے قانونی، 2) انھّی نار-2 -گڈّی: کار، موٹر-3- ڈِٹھی: ویکھی- 4 -سجاکھی: اکھاں والی، ویکھنہار- 5 -مَلّ سَلّھ: مِلکھ بنا کے سمیٹی ہوئی، قبضہ کیتی- 6 -کٹھے: اِکٹھے-

1 -پِیئو: والد، باپ- 2 -وپار: کاروبار، بِزنس-3 -مِلن گِلن: گلے لگ مِلن-

4 -سی کے: سِیوں کے، سلائی کر کے- 5 -وت: مُڑ کے، دوبارہ، پھیر-