ویکھو جی ایہناں ارتھالیاں دا حال
حال کیہ
ایہناں جال وچھایا ہویا اے چارے پاسے،
اِک لفظ دے ارتھ چھاپ کے
پڑھنہاراں نُوں پھساون
اوہناں دی سُجھ بھُجاون
کار بنی ہے ایہناں دی،
جاگو اِک رِیت پُراتن ہے
اوہدی رات
ورھے چ اِک واری آوندی اے،
جنیاں کھنیاں جاگ کے
سُتیاں مرداں نُوں تیاگ کے
گلیاں وِچ رل نچدیاں گاوندیاں نیں،
ویہاری ٹُھک باندھ نوں
بھنن دا امل کماوندیاں نیں،
ایہناں ارتھالیاں نے
جاگو نُوں ویاہ دی رسم بنا دھریا اے،
ویاہ نال کوئی لاگ نہیں جاگو دا
جاگو تے اوہ سماں جگاوندی اے
نار اچیتاں وِچ
جدوں ویاہ راہیں
نَر پردھانی دا نُوں ورن دا تورا تُریا ای نہ ہا اجے
لکھ ورھیاں دا ساجھل جِیون تِھیون
خُدائی ماندی پئی ہئی،
جس ویلے اِک نر ڈھانی نے
چِت بھریا اے بھرم نر پردھانی نُوں دھرم کرن دا
ناریاں اندر کال جگی اے
آہی ناہی تھی تگی اے