''ٹِک ٹِک ٹِک……
کِتھے ٹِکن دا درس پئی دیندی اے وڈی گھڑی''
''جِتھے ہو اوتھے ای رہو
جیویں ہو تیویں''
''ایہہ ویلے دی جِیبھ اے؟''
''آہو''
''دسی ایہدی نہیں پئے اسیں کریندے؟
گھروں دفتر تے دفتروں گھر''
''فرق وی ایڈا کوئی نہیں رہیا ہُن دوہاں وِچ''
''ساڈے کولوں کاہدا دھڑکاسُ
نس چلے آں کِتے اسیں''
''گھر جیہڑی لگی ہوئی اے نِکی
اوہ وی ایہا لائی رکھدی اے ٹِک ٹِک ٹِک''
''بدھے ویلے دی جِیبھ ہوئی ایہہ
دھڑکا ایہا سُو
کھول نہ دین ایہہ ویلا''
''اوہ آکھے سِکھ سِکھ سِکھ
چِھن پل ٹور نویلی''