” نِکل چلے او کِتلے؟ “
” آہو، کیوں کوئی کم اے
تے دسو
اوہ کر آونے آں “
”میں آکھنا سی
اج آپا چھڈ جاؤ ساڈے کول “
” ہَیں، کیہڑی؟
میں تے کِسے آپا نُوں نال نہیں پیا کھڑدا
میں تے آپے تُہاڈے دی گل پیا کرناں “
” اپنے تن نالوں
آپا کیویں وکھرا کرا کے تُہانُوں پھڑائیے
چُلھ اپنی وِچ ہور سیاپا ڈاہیئے “
”تن وِچ تے ہوئی نا جِند،
آپا تُہاڈی مَیں دے اندر بدّھا پیا اے
اوہ وی ادّھا “
”تے ادّھا کتھائیں ٹُر گیا اے “
”اوہ میں چِتھ چب
تھاں تھاں ہگدی آئی اے “
” کیہ کرئیے ول “
” بس ایہو
مَیں نُوں کر دیو تَیں،
جو کُجھ وی ہے کول تُساڈے
مال مِلکھ توڑے عِلم ہُنڈر
توڑے مجُوری مجبُوری
کُھل کے کُل نال رل ویسی
چوبھ چُبک ہر رنگ دی
پِرم پَرم دی ٹوہ وِچ ڈھل ویسی “