اج وِیہاں ورھیاں مگروں
بھاٹی لوہاری دی زیارت ہوئی اے،
اوس ویلے تے پیدل
باراں دروازیاں اَتے تیرھویں موری دا
تریجے چوتھے دیہاڑے
پھیرا پائِیدا ہا،
ونو وَن سواد چکھائِیدا ہا سجناں نُوں
لوہاری مچھّی اَمبرسری
ٹکسالی کھروڑے
بھاٹی حلوہ
شہالمی پکَوڑے،
اج سَودا ڈھیر اے بزارے
پر ناں ہٹیاں دے رنگو رنگ
انگریزی اکھراں وِچ ای اُپر لِکھے ہوئے نیں،
پھیر خیال آوندا اے
ایہہ ناں جِینز نا ہوون متے
سُتھناں ہو کے تیڑِیں سَرِیاں
سِراں تے چُنیاں کر دھرِیاں