فرید بھنڈار

راتِیں 1 دینہہ2 نُوں پڑھ

دینِہیں 3 رات نُوں پڑھ،

دینہہ چڑھے تک4 تارے ہریئل5 پتراں 6 وِچ،

لال پُھلاں چوں سُنگھ چَن7 چَودھوِیں 8 دا،

راتِیں سُرج9 چڑھا

کال10 مِٹی وِچ مَچ،

لہندا11 چڑھی جاندا

چڑھدا12 لہی آندا،

اُبھا13 ڈُب تردا

اُلٹ بازی14 پا لمّا15 ٹِیسی16 سَر کردا17،

1 -راتِیں: رات ویلے- 2 -دینہہ: دِن-3 -دینہیں: دِن ویلے-4 -تک: ویکھ، نظر مار-

5 -ہریئل: ہرے، سبز-6 -پتر: پتّے-7 -چن: چند، چاند، مُون- 8 -چودھوِیں دا: چَوداں تاریخ دا، پورا چن-9 -سُرج: سُورج- 10 -کال: 1) کالی، 2) نار نابری (ترِیمتاں دی نر پردھانی توں نابری جیہڑی جُگاں توں ہر نار دے اندر رچی ہوئی اے)- 11 -لہندا: 1) لتھدا، اُتردا، ڈھلدا، 2) مغرب، وَیسٹ- 12 -چڑھدا: اُپر اُٹھدا، اُتانہہ اُبھردا، 2) اِیسٹ، مشرق- 13 -اُبھّا: شمال، نَورتھ-

14 -اُلٹ بازی:  ہتھاں تے کھلو کے مُڑ سِدھے ہو کھلون (کھیڈ اے ایہہ)-

15 -لمّا: جنوب، ساؤتھ- 16 -ٹِیسی: چوٹھی، سِکھر-17 -سَر کردا: جِت لیندا-

بدّھے ٹُھک1 مُدتاں دے

اُکھڑ2 تِھیندے3 ڈَھے ڈھیری4

لمی پے جاندی5 اے نال اوہناں دے

تیرو میری6

1 -ٹُھک: اصول، قانون- 2 -اُکھڑ: اُکھڑ کے-3 -تھیندے: ہوندے- 4 -ڈَھے: ڈَھے کے-

ڈھیری: قبر-5 -لمی پے جاندی: لیٹ جاندی-6- تیرو میری: تیر میر: وکھو وکھرے ہوون، دُوج، فرق، نفسا نفسی، آپو آپنی پے جانی-