"جانواراں دے چِھیم جی بہتا کول نہیں جائی دا
دوروں دیکھو ایتھوں
اک وچارے بے زبان اُتوں موسم ہُم دا
تہاڈا دل پر چاون لئی تہاڈا علم ودھاون لئی
ایہہ ایتھے آئے نیں سارے
ہاتھی ہو یا شیر ہو یا چھ چترے ہوئے
ایہہ نقصان وی کر سکدے نیں سوڑے پے کے
ڈرن دی گل نہیں
جنگلے توڑ تے نہیں نہ سکدے
سانوں کول ہوون دی کاہدی لوڑ اے
ایہناں نوں بس دوروں دیکھو
واہ جی-چٹا ددھ میمنا
نکیاںسِنگڑیاں والا
تہاڈے ہان دا
اوہ نکرے لگا گِینڈھا بڈھڑا ایہدا ابائے
کیویں ہونکدائے بیٹھا بیٹھا
بس بھَج گئے سنگ کتے نکیاں ہوندیاں
بدتمیزیاں کردا ہونائیں
نالدیاں نال بھِڑدا ہونائیں
وڈیاں دے آکھے لگدا نہیں ہونا
بڈھے وارے ساریاں چیزاں ثابت وی نہیں رہندیاں
آوَ میمنا آوَ میمنا
سِر تے پیار کرالئو
ایہنوں چِھیم جی پولا جیہا ہتھ پھیروسر تے
خوش ہو جاسی
چھیم ہوریں مینوں پیار کرن لئی آگئے نیں"
چھِیم دا ہتھ مساں جنگلیوں اندر ہویا ای اے
نکروں بڈھڑا گولی وانگراُڈ تاراں وچ وجا
جنگلا میرے ہتھوں چھٹ گیا
بے دھیانے دشمن دا میں باڈرٹپ گیاں
اوہ اک واری بھڑ کے پچھانہہ پرتدی چھَل سمندر ہار کھلوتا آکھے
اوئے اساں نہیوں تینڈے جنگلے مننے
میں مٹی وچوں سنگ دی چِپر چکی
اوہدے اگے سٹی
نہیں دھون نوا اوس ڈٹھا
نین نیناں نال گڈ کے کھلوتا آکھے
اوئے اساں نہیوں تینڈے جنگلے مننے
"آوَ چھیم جی اگے چلیے گھر وی جانائیں"
"سنگ دی چِپر جوڑ نہ لیسی"
"چلو چلو ہن گھر وی جانائیں
راہ وچ موروی آونے نیں"