آہو جی کیوں نہیں،
اوہ لُہار تے میں کمھیار،
پچُھو نا
ڈِٹھا اے کِسے
اوہنوں لوہا گھڑیندیاں
تے مِٹی تھپڑیندیاں مینوں؟
اساں دونہاں تے گاون ای گایا اے
تے اوہا ویچ کے ٹُکر کمایا اے،
پر سہی تھیا1 اے ہُن
کسب کوئی وی ہووے نواں پُرانا
کر دیندا اے ورانا اپنے آپ توں وی
جیہڑے ویلے وِکن بہوئیے،
ایہو اُلیل آوندا اے ہُن تے
ویچن وِکن مُکائیے اپنا
تے گنوئیے اوہ گاون
جیہڑا کسبی کمّی سارے رلاوے
کھول دیوے نویں پُرانے
پٹے پیٹیاں،
وِچھڑے جُگاں دے دم دم مِلاوے
1- سہی تھیون: محسوس کرن