میں ڈاکدار نوں دسیا
پنڈا ٹٹے تے ڈھڈ رہوے امبیا
تے روح نہ کرے پانی نوں
چت باہر نہ جھاتی مارے
تن وچ رہوے پھسیا
مینوں ڈاکدار نے دسیا
تیریاں آندراں چ کیڑے نیں بابا
ڈاکدار ایہہ نہیں دسدا
میرے ورگے کڑوراں لوکیں
صدیاں بدھی ایہہ ویدن کیوں پئے جردے نیں
آکے جگ تے اکو اک واری
کیوں نت پئے مردے نیں
اجے کنے کو ورھے ہور لگسن
آندراں دے کیڑے مُکسن
تے دل ساڈا اچن چیتی
اک دوجے نوں ملن نوں کرسی
ڈاکدارا ایہہ نہیں دسدا