اج میں اوبھڑ سنگلاں
جیہڑ یاں جھِکاں آپے ملیاں
اجک اجک پئی لنگھاں
رقماں تاروپاری گھنن وارے
چواء چواء مینڈا ونڈ وجودیں جھب جھب وتر لاون
تیر میر دا کر کے پورا
ہل گھت کھاردا
پھیرن کھوٹ سہاگے
کلر فصل اگاون
مینڈی من تے وسیندے پیروں واہنے
لپ لپ کلر و ہاجن جاندے
تن من گہنے پاون
میں اوبھڑ
کیویں پکیاں پُلاں توں
جاگو میٹی لنگھدے پیرولا کے اکھاں
کت رانجھن دا ٹھانا بھلیو کت رانجھن دا ٹھانا
میں اوبھڑ
نندراولیاں نیناں نال کیکن نین ملا کے آکھاں
جمن لا دیورُٹھیو
"چُھپ1 گیا سورج پچھے رہ گئی لالی"
مینڈے وہماں بھرے سریر نوں سیک چھہاؤ سکدے تن دا
میں اوبھڑ
کیہنوں پچھاں میں اج کیوں روڑھن جوڑن بھُلی
ٹھِل ٹِھل سجر کرو مینوں تسیو جَرم دیو
کانگ دی جاگ لگے مینڈے سینے
آپنی رَت وچوں پن مینڈا پانی
میں آوندی توں وار پیو
1-کافی بلھے شاہ دی ٹک