”میں دیسی کُکڑی دی روز یخنی ادھ سیر پِیناں“
”کُکڑی دی کیوں
آنڈے نہیں اوہدے کھاندے تُسیں“
”دوئے کم ای کاری نیں اوہدے“
”ایسے کر کے ماری اوہنوں آؤندے او
کُکڑ نُوں کیوں نہیں یخنِیندے“
”اوہ تے باتشاہ ہویا تاجدار
ہو اسوار پلو پل ناریاں اُتے
اوہناں نُوں زرخیز کری آوندا اے،
نالے بھائی نر خُون وِچ جوش مُدَپّے دا وی تے ہوندا ای اے نا
پھیر کُکڑ نے بانگ وی دینی ہوئی
ڈیوٹی اوہدی قدرت ولوں
سو اوہنوں اسیں مولوی صاحب کول درس مدرسے
گھل دینے آں“