نینہہ دے پندھ اڑانگے جھاگدی
خواجہ غلام فرید سیاتی عام خُدائی
جیہدا گڈ پُنگرایا سندھڑی کند
راکھشاں تاڑ گِھدا
راکھش باہروں دھائے آہے
اپنی جُوہ دیاں لاہا گیراں دے ٹورے
صاحب تھی کے جاؤ
کرنہاراں نُوں کرو اَدِھین
کیتی اوہناں دی سانبھ گھلاؤ اِتھاں،
راکھش صاحباں نال ای اوہناں دی
مَمّ میم وی آہی
اوہ چمبڑی چُڑیل اِتھاویاں راجیاں نواباں نُوں
ایسے پاروں فرید چتایا مُرید نُوں اپنے
صبح صادق خاں صاحبی مانیں
اپنے مُلک کُوں آپ وسا تُوں
پَٹ انگریزی تھانے