اِک بھرا دا پُتر غلام حُسین
تے دُوئے دی دِھی غلام فاطمہ،
دادا آپ تے عبداللہ توں دُلّا ہویا ای ہویا سی
پر حُکم ہا اوہدا
حُسین نُوں سَھینا فاطمہ نُوں پھاتاں جَیں وی کیتا
لِتر میرے اوہ سرپر کھاسی،
سو دِھی پُتر دوئے گاماں گامی گامن پئے ہوئے،
کٹھے کھیڈے پلے
وڈے ہوئے تے ویاہے گئے،
دونہاں نُوں چاء ہا گاون دا
جدن کدن وی کھیَہہ کھہیڑ ہو وَینی
ٹھنڈیاں ہو رل گاون اوہناں بہنا،
گھر گھر وِچ گل دونہاں دی چلدی رہنی
جاں وی گاون سُنن تے جی محلّے والیاں دا آونا
آکھنا اوہناں گامن نُوں گامن نال لڑا کے پل دو پل
آؤ صُلح صفائی دا گاون سُنیئے
اُنیئے رہریت اُدھڑی