فرید بھنڈار

پانڈی آنڈھ گوانڈھی اساڈے

رل پئے گاون:

گُھگی ماں

جائے جگائے تینڈے اساں

ہُن دِیپے آں سارے،

اِتھ ہر پاسے کِتے جھپَٹّے اِلّاں دے نیں

ٹُھونگے کِتے نیں کاواں دے

مُڈھوں جیہڑے تُدھ جرے،

نہ ماں

اَس ایہہ اِلّاں نہ ایہہ کاں،

ساہ اساڈے تینڈے پوائے گُھنگر1 نیں

پل پل اساں ہُن جُڑ نچنا،

ٹھپ دینی

اساں منڈیل1 وچھائی دُھپ چھاں،

نچ جُھلنا جُھل ورھنا

روم روم ست سوما کرنا

گُھگی ماں

1۔ گُھنگر= گُھنگرُو-

1۔ منڈیل= منڈ بھری، منڈ والی (مَنڈ= چالبازی، جادُو ٹُونا، جال، پھندا، سازش، دھوکھا، فریب)-