''ایڈا وڈا کاروبار اے تہاڈا بھائی جی
اِشتہار تُساں کدے نہیں دِتا''
''بھائی جی مشہوری
اِشتہار یا ایڈورٹِزمنٹ جیہنوں تُسیں آہندے او
اوہا ای تے اخبار چلاوندی اے،
تے کِنا کُوڑ اخبار گُھکاوندی اے
ایہہ سانُوں نہیں وارے شور شوربہ''
''شور شرابا ای سُنیا ہویائے اسیں تے
تُسیں شوربہ کر دِتا اے''
''کیہ کرئیے بھائی جی،
جیہڑی چیز حرام اے
ناں اوہدا لے کے اسیں حرامی کیوں ہوئیے،
شوربہ کوفتیاں دا ہووے
یا کھراوڑیاں دا
بھاویں حلالی کلیجی دا
اوہ تے حلال اے،
آئی بلا دا ٹالنہار
داتا جل جلال اے''