فرید بھنڈار

اساں تے جاتا

وٹ کوئی پئیاں کڈھدیاں او

کِتے اکِیتی1 کار وِچوں،

گل تُساڈی سُنی تاں سہی تھیا2

تُساں تے اَٹ3 پئیاں کڈھدِیاں او،

اَٹ اکھّر4 اساں سُنیا وی گھٹ اے

ورتیا تے متے5 کدے وی نہیں،

سَن تُساڈی، سار6 تھئی:

اَٹ نَییِں 7 دے ہڑھ8 دی جوڑی

مِٹی تے ہے ای

من9 بھانڈے10 دی جوڑی سِٹّی11 وی اے،

1- اکِیتی: ان کِیتی- 2- سہی تھیا: 1) سمجھ آئی، 2) احساس ہویا- 3- اَٹ: ”اٹ“ دے بہُوں ارتھ نیں ارتھالیاں وِچ- 1) باریک پِسی ہوئی شے جیویں اَٹا، آٹا، 2) دُھوڑ، مِٹی، ریت- 4- اکھّر: حرف، لفظ- 5- متے: شاید- 6- سار: سمجھ، علم، خبر- 7- نَییِں: جمع نَیں، (نَیں: ندی، نالہ، دریا، سرووَر)-

8- ہڑھ: سیلاب- 9- من: دِل دماغ- 10- بھانڈا: اِندریاں دے تن وِچ سرن دا وسیلہ، جیویں کن سُنن دا وسیلہ نیں، اکھاں ویکھن دا، نک سُنگھن تے جِبھ چکھن دا- 11- سِٹّی: ہوش، سُرت-

جیہڑی کافی1 ہو کے

واہنیاں 2 پیراں نُوں گاون پئی گویندی اے

ماکھ3 وسودھر4 کڈھ اوہناں دی ٹور وِچوں

سُر سنجھال5 بھریندی اے

1- کافی: جوڑ دا اِک رنگ- اِک صِنف شاعری دی، ایہہ لفظ کوِتا توں بنیا اے (کوِتا: شاعری-

کوی: شاعر)، کَون: کُون: بولن (”قوالی“ وی اصلوں ”کوالی“ اے متے)- 2- واہنے: ننگے، اَڈَھکے، ان کجّے (پیر جُتیاں بِنا، سِر ٹوپی پگ بِنا، بدن لباس بِنا)- 3- ماکھ: نفرت، کنٹمپٹ-

4- وسودھر: بے وساہی- 5- سنجھال: سانجھ ورتارا، سِیروری-