نَپَیتھر1 بھوَنے آں پئے
ورھیاں کَسّ کماناں
تِیر ورھائے اساں،
باگھ بھگیلیاں نُوں
ترَٹّھے بھجدے مِرگ کھوائے بریک فاسٹ وِچ
لنچ تے مچھیاں وِنّھ دھرائیاں
ڈِنر زرافے پاڑ وِچھائے،
باگھ بھگیلے جنگلاں تے کر راج
پہاڑ مقبرے چاڑھ وِچ وڑ سُتّے،
جگت دیاں تختاں تے
گئے بہال اپنے شکاری کُتے
اوہ چڑھ سرکاری کاراں تے
ہُن سیراں پئے کریندے نیں
تیر اساڈے جھاڑوُ کر کے
چُوڑِھیاں ہتھ پھڑائے نیں
سڑکاں صاف کراون دی ذمے واری اسانُوں دِتی گئی اے
چِھٹ چِکڑ دی دِس پوے جے کِتلے
شیشہ کھول کے
1- نپیتھر= بے آسرا-
بھَونک اساڈا ساہ بند کر دیندے نیں
چُوڑھیاں اُتے گج کڑک کے ساہ اساں کڈھ لینے آں
اوہ پر سِرِیاں بھوا
وِچو وِچ اساڈے تے ہسدیاں نیں