اوجھڑ وِچ اِک لُگا وسوُاں1
ٹوہ چُگاٹھاں لنگھیاں اساں،
اندر گھور،
اُدھڑیاں کندھاں اِک دم گُھمری ہو گئیاں،
بانہیں نپ اِک دُوجی دی
سہج سبھا ای
پنجے اساں وی نچن لگ پئیاں،
نچدی نچدی لڑی اساڈی
آپے ای باہر آ گئی،
مُد بِیت گئی اے
اجن تائیں
مِلنِیاں جاں وی اِک دُوجی نُوں
پل دا پل اِک عجب انندل حال جیہا پے جاندا اے
وسُورا1 سہیڑیا جیہڑا وی ہووے
اوس ویلے لہہ جاندا اے
1- وسوُاں= گھر، ڈیرا-
- وِسُورا= بے وساہی،چِنتا، دھڑکا