راما کرشنا ناں تے چروکا سُنیا ہویا ہا
سنگی وی ساڈا ایسے ناں دا
اِک ہا سکُولے،
نکے ہوندیاں توں جو پیا ہوندا ہا وکھ وکھراپا
اوہدے توں جی سَوڑا ای رہا اے،
اندر قوالی میل ملاپے والی رہی اے ہوندی،
وڈیاں ہو کے ساریاں مذہباں نُوں وارو واری
من سُنجاتا تاں جاتا سارے اصلوں اِکّا ای نیں،
کم کار اساں کئیں کِیتے
پر سانجھ انند ای جِیون منایا،
لِکھیا چھپایا تے کُجھ نہ
آکھیاں سانجھ انندی
سُنیراں جوڑ کے تت جگت لہرایا
ول رام کرشن دِیاں راساں سار ہوئیاں
تاں رنگ عجب من مانے