گنڈھ کتِیراں رنگ برنگیاں
پائی بیٹھا ہا باوا چروکا
اِک دِن اُٹھ کھلوتا،
لاہ چوگا ول لوئی دوالے
سٹیو سُو کشکول پرے،
پچُھیم کِتھے چلے اوہ سائِیں
اکھے کیہ کراں
جان نہیں چھوڑدِیاں ٹاکِیاں میری،
مکھے کیہ آہندیاں نیں،
اکھے مُڑ مُڑ ایہو،
کیہا وکھالا ایہہ تنائی بیٹھا ایں،
فقراں تے لاہے مَلّ دے لنگارے،
جوڑ اجوڑ سُنا کوئی رل پاہیاں نُوں
کِتیاں نُوں وجّن ویہل بریکاں
سُکیاں دھریکاں سیون پُنگارے
سیون= گرمائش دینا، ودھن پھُلن لئی-
سیون بُلبُلاں سُکیاں بُوٹیاں نُوں
کدوں پھُل لٹکن نال ڈال دے نیں
(وارث)