''ڈاکٹر صاحب
ڈر دی پی ایچ ڈی کر آیاں باہروں
ڈر پر لہندا ای نہیں،
رنگ وٹا کئیں ان دِسنے
اندر وڑ وڑ بہندا اے''
''ڈر دی پہلی پَوڑی اے کچّی
پی ایچ ڈی تے پک سِکھر ہے،
میں وی چروکا کیتی بیٹھاں
ڈر کئیاں دا لاہیا اے
اپنا اجے وی نالے ای اے''
''کیویں مُکنائے سوما ایہدا نہ جد تائیں سُکے
رُوپو رُوپ ای بھانڈا ایہنے بھری آونائے''
''اُچ جِھک دا ایہہ ہویا جایا
اُچے ہوو تاں نِیویاں دا ڈر
نِیویں ہوو تاں اُچیاں دا''
''جیویں سچے ہوو تاں جُھوٹھیاں دا ڈر
جُھوٹھے ہوو تاں سچیاں دا''
''جُھوٹھ سچ تے اُچ جِھک دوئے ہوئے جو اِکو
سارا جھمیلا ہے ایہہ امیل دا
جاں تائیں سِیر نہ ورتن تِھیوے
میل وِکاؤ میلہ ہے''
''جمدیاں سار ای کُسن ہار جیویں لیلا ہے''