کھوتے دی کتھا
کرِسٹوفر لوگ دی سُنائی
نالدے پِنڈ وِچ ہا اِک کھوتا
جَیں ساریاں چنگیریاں کھوتیاں وانگوں
مالک دی خدمت کیتی
خدمت کیہ، محبت کیتی،
اوہ بِیبا کھوتا
کم کریندا ہا اِتواراں نُوں وی،
جدوں مالک اوہدے تے چڑھ کے
عبادت خانے ویندا ہا
کھوتا مان کریندا
رب نُوں پتہ اے میں مالک نُوں
اوہدے کول پیا کھڑناں،
جدوں اوہ فوت ہویا تے اُپر ٹُر گیا
اپنی بندی دات گِھنن
ساریاں چنگیریاں کھوتیاں نُوں جیہڑی مِلدی اے،
پِچھے مالک نے اوہدی تابعدار کھل دا چھانٹا بنایا
اوہدی جاء تے آئے کھوتے نُوں
جھنب کے کم تے لایا