کیہ دسیئے ایہناں ویچنہاراں نُوں،
گھنا کُشالا لیکھے اساڈے لگّا اے،
دھونیاں سُتھناں لہو لبیڑیاں،
ہتھاں وچوں مُڑ مُڑ گوانی
گندھ اکتھ کہانی دی،
پندھ اَن جھوتے دا
مَل مَل پیراں چوں کڈھنا وِگوچا،
نِت کَجیاں انگاں چوں
کُھل مِلنی دا بھؤ دینہہ رات کڈھاونا،
آپا پانی کرن جو انت اساڈا ہویا
کیہ دسیئے
چَکیاں = ٹِکیاں - کُشالا= محنت مُشقت، اوکھا کم-
ان جھوتا= شروع نہ کیتا (جھون، جھوون= مُڈھ بنھن، شروع کرن)-
بھؤ= ڈر- انت= 1) ایجنڈا، ٹِیچا، 2) اخیر-