میں اصلوں نِکڑی جیہی آں
اجے بالڑی،
تُسیں کوڑھ کِرلی مینوں سدیندے
گھنی کریہت کریندے او میتھوں،
نِکے نِکے مینڈے ہتھ پیر نہیں ویہندے
تہاڈے وکھو وکھ نیں مینڈے کٹھے ای نیں
رِزق دی بھالیں رُدھے،
ایہہ کار مینڈی تہاڈے ہار ای اے،
نہ منوں تُسیں،
آل دوالیوں نپ جناور تُسیں وی کھاندے او
میں وی،
میں تے گِننی آں سنگی تُہانوں
گل لگن دا مینوں تہاڈے چاء کوئی نہیں،
ہا گلانی تک رتا کرو سوَلّی
تے مینوں
کندِھیں سرن دیو
گلانی= نفرت بھری (گلان/گلانی= نفرت)-