مشکاں بھر بھر ایہناں دِیاں
دھوتیاں اساں دُواتاں،
دھو دھو تھان
گِن ناں نڑینویں ویتر صُوف وِچ پائے،
راتاں جاگ کے
سو سو دِیویاں دیاں
لاٹاں دی کالکھ کُھرچ پراتِیں لاہی،
گھوٹ پکائی رُشنائی،
لِیراں کتِیراں گُنھ ملِیدہ پُھلکے کاگت لائے
ایہناں اگے دسترخوان وِچھائے،
کانے گھڑ گھڑ قط رنگ رنگ دے لائے
ہتھیں ایہناں دے قلماں چمچے کر کر دِتیاں،
کیہ پچایا ایہناں تے وِچ کتاباں کیہ پایا
پانڈی دھوبی درزی نائی رہ اساں
دسیا ایہناں دا اندر لہن نہ دِتا،
پکھنُو آپا ناں ناویں دے پِنجرے پَین نہ دِتا