'' کیوں بیبی جی
اج کِس خنگاہے کرن سلام جانا جے؟''
'' تیرا خیال اے ہور مینوں کم کوئی نہیں''
'' لگدا تے ایہو ای اے،
کدے بزارِیں جھات تُساں نہیں ماری
رِشتے داراں ول تُساں کدے پھیرا نہیں پایا،
درگاہاں وِچ سُتیاں بزرگاں نال ای
روح تہاڈا لگدا اے''
''درگاہاں وِچ سُتا بھلیا کوئی نہیوں
ناں جیہناں دے سُندے او
گلی بزارے کمیں کارے لگیاں دے تن من رل اوہ
آہر اوَلّا کوئی سُجھاون دی اوہناں نُوں پئے کردے نیں''
''کیہڑا آہر''
''ایہہ تے آپیں پچُھ نا تُوں''