”فَیشن پُرانا نواں کرن تے کسب کماون ہویا
بِیتی رہرِیتی
اج دی ورتن کر گُھکاون ہور اے
ایہہ تے وڈھن ہویا ڈال دا
جِتھے آلنا اپنا ہے“
”رمز پُرانی تُساں نویں کر ورتی اے
ڈال کیہڑی تے بیٹھے او
مَل مال دا لاہا گھر ہے
اوہا تُہاڈا ور ہے،
بِیتی کدوں ہے سانجھی ورتن
ہِین دِلاں وِچوں سردی اوہا تے رَت ہے،
تاہیوں تے فَیشن ون ون دے
گھڑ مشہُوریاں مہنگے کر وِکواون
ہِیناں دے ننگ دا دھڑکا اپنے اندروں لاہون
کسب تُہاڈا ہویا“
ٹوک میری ایہہ ہوئی او پُرانے جماتی نال
اوہ اِک ملٹی نیشنل دے فَیشن سیکشن دا اجکل چِیف اے