وانس دا بُوٹا وائیں سِر پیا مارے،
پچُھناں میں ''کیوں، پَوڑی بنن تے دِل ای''
''نہیں، بتھیری ہو گئی اے''
''اسمان تے نہیوں چڑھنا؟''
''پَوڑی میں بننائے تے چڑھ اسمانیں تُوں جانائے
پیر میرے سر دھر کے''
''ہو کے وانس مُڑ مگر میرے تُوں آ جاوِیں''
''پیر اسمانے بنھ کے سِر جے میں زِویں ول کیتا
تیرے جیہے کِسے جھنڈا اپنا ہو میرے نال لمک پینائے''
''ایہو لِکھی اے وانساں دی؟''
''مُڈھوں تے نہیں ایہہ لِکھی آئی،
ہتھ نپ ساڈے قلم گھڑائی
مُڑ لِکھی ایہہ تیریاں وڈیاں''
''ہُن کیہ کرنا جے''
''جی کردا اے بلم ہو جائیے
لِکھی تُہاڈی چھیک دئیے''
''ساڈی کہ اپنی''
''تہاڈی،
مُڑ قلم ہو
اپنی آپے لِکھیئے،
اُنگلاں تہاڈیاں نُوں
ہوون قلم سِکھلائیے''