فرید بھنڈار

''سچی پچُھدے او

تے سُن لؤ،

چِھٹ پئی کہ پئی نہیں

چڑھ متھے تیُوڑی بہی نہیں،

بھر بھر بوکے بوء دے ڈولھو دُوجیاں تے،

ہُشناکی بُتی اے میں مِلکھ تُہاڈی دی

مَلّ سُچّ دا بھیت نہیں''

''ایہہ تُوں ہُن بوکا بوء دا نہیں میرے سِر سَٹیا؟

خبرے کدوکا بھری کھلوتا ایں،

پُن میری ہُشناکی

تُوں مانی پاکی نہیں؟''

''ٹھیک پیا آہنا ایں

چَل رل دوئے بناؤنے آں چاکی صبُونی

جیہڑی ایہہ بوکے دھووے''

''کُھوہ سُگندھل نہ کھٹیئے؟''

''آہو، ایہہ وی پُرِیجے''

''چل''بہی= بیٹھی- پُنن= بُرائی کرن- تیُوڑی= 1) متھے دے تِن وٹ، 2) غصہ- ہُشناکی= 1) چترائی، چلاکی، 2) مِزاجداری، 3) صفائی پسندی، 4) سوہپن- مَل= مَیل- سُچ= صاف ہوون- بھیت= فرق- بُتی= مالکی دی حد (اُتے رکھیا پتھر یا مُورتی)- چاکی= ٹِکی- صبُونی= صابن دی- سُگندھل= خشبودار- کھٹیئے= کھودئیے- پُریجے= پُوریا جاوے-