مِلیاں اوہ
تاں پچُھیا اساں
''تُساں جوگنِیاں کیوں تھیاں
چھوڑ گھرھست چُبارے،''
''اساں ہِیر دِیاں ہاں سیّاں،
تک رانجھا اوس کیتا جوگی
آپ وی جوگن ہوئی،
اساں وی گھر چھڈ جنج اوہدی نال
سمّی گاوندیاں گئیاں،''
''رانجھے کِتھاں نیں ہُن تُساڈے؟''
''بیلیاں وِچ نیں سانجھے''
''تُساں اِتھاں وت کردیاں کیہ او پئیاں''
''اساں ایہہ کُل جگ بیلا کراونا اے
پلّے جیہناں دے دھیلا نہیں،
رل میلہ اوہناں سنگ
رانجھن والے جوگ سنجوگ دا لاونا اے''