فرید بھنڈار

''آؤ شونکی برجُو

اج یار ایہہ نواں لیائے او کوئی''

''ایہہ شریف جے بھاء''

''لگدا تے نہیں''

''روز آکھدا سی، بھاء شپے نوں مِلن ضرور جانائے''

''چلو ویکھنے آں

ایہہ شریفہ جے تھڑے تے آ لگّے''

''پڑھاؤندا بَوٹنی جے''

ناں میئیں گنڈوئے دا بہت سُنیاس

مِلنا چاہوندا اے''

''گھر دُور تے نہیں، ایتھوں چوتھی گلی،

اج ٹُرے نا جے

مہینہ کھنڈ لا خبرے اوتھے اپڑ ای پئے''

''مینوں پتہ اے بھاء اوتھے وقت ہور اے''

''بس، گھڑی میل تے پوہنچیا ای پوہنچیا ایں تُوں،

بیٹھے ساہمنے ہوئے نیں میئیں ہوریں،

گل ٹُری اے ہور، وِچ اپنی میں ایویں ڈاہ بیٹھاں:

''کَٹّے ویترے دا دسو کیہ کرئیے

ہے سِیونے توں اَڈ ہور چارا؟

نہیں تے پیا رہوے

جیویں جیوندے جی لکھاں پئے ہوئے نیں لاہ لِیر کوئی پُونجھ نکسِیر لَیسی

ٹاکی پَھٹ تے بنھ کوئی ٹُر وَیسی

پُواڑا سِپَن ای اے کَٹّے ویترے دا

سِپ جائے تا پاوندا ہور کوئی اے،

لِکھیا دھر پاسے میری سُندے نیں مِیئیں گنڈوئے ہورِیں،

پنج مِنٹ لا سِر ہلاوندے نیں،

سَت لا مُسکا، اَٹھ لا مُسکار مُکاوندے نیں:

’باہر آویں نہ جھٹ برساتِیے جے

تاں مشین سلائی دی لئی آوِیں‘

آ ماسی برساتی میرے کن پھڑے

’کن مَلنی آں شپچُو سُنیں ہور دی تُوں،

جِیبھ مَلاں کیویں،

ایہنوں چُوپ لواں تت نواں بھرے

دس مِنٹ لا چنڈ پولی جیہی لایُس

لِیراں گنڈھ پیا سُوٹ سواونا ایں

درزی لاڈیا میچ برساتڑی نُوں

ویتر کٹ سِیوں پہر تے ہو پانی،

واء گل لاوی،

وسیں، بھوئیں وری1،

1- وری= بھوئیں تینوں ورے (ورن= 1) پسند کرن، اپناون، 2) ویاہون)-

گھاہ بُوٹ سریں،

تِھیوے لہو وتر

کُوچ وَیہنیاں دِل دریا رلیں‘