(پِڑ وِچ خلقت بیٹھی اے- اِک پاسیوں اِک ادھکڑ اُٹھیا اے-)
سوال: میں سوال- کدے ہو سوالی، بُوہے بُوہے ونج ہتھ پساراں
ہو جاواں کدے والی، عالی،
کُرسیو کُرسی ماراں ٹپوسی
بھری ہووے بھاویں ہووے خالی،
اپنے آپ چ وڑ بیٹھاں کدے
ساہ بند ہوندا جاپے،
نِکل کے تکّاں آل دوال……
ورانی1
(دُوجے پاسیوں اِک ہور ادھکڑ)
جواب: جوابی کدے لفافہ، میں جواب
لکّوں ننگ تے سِر تے صافہ
کدے سِیخ تے کدے کُواب2،
عمر لنگھاواں واہنے پَیرِیں
جمّاں سَنے کدِیں بُوٹ جُراب،
کدے خاب……
کدیں اُباسی…… جی جناب
(اوڑک رات اوہ مسّیا دی آئی
دوئے ادھکڑ ہُن جنِیاں جوان،
1- ورانی= بیگانگی، اوپر، وِجوگ- 2- کُواب= کباب-
ہِک ہتھ طبلہ، ہِک ہتھ تالی
ہِک بئی دے ساہویں بہہ کے
دوئے لگ پئیاں کرن قوالی)
کر نر سانوں کیتا اوبھڑ مَل ماراں،
ہو مُڑ ناراں جاتا اساں
ہاں تے دوئے اصلوں ہِکّا
تَیں وِچ مَیں تے مَیں وِچ تَیں،
آپے کپڑے آپ کپاہ
آپے تَروَر1 آپ سواہ،
جیوں مرن تے مر جِیوَن
الف توں یے ہو ’یا‘ تِھیوَن،
آپے تت ست آپے دیہہ
آپے سُنّ2 تے آپ سَنیہہ3
- تَروَر= درخت- 2- سُنّ= صِفر، زِیرو، کُجھ نہ ہوون- 3- سنیہہ= پیار، عِشق-