شونکی بُرجُو
یار تُہاڈی گاجو بِل بتَوڑی اے نا ناساں چَوڑی،
چَک چلاوندی اے،
پاتر مِٹی دے نہیں نِرے بناوندی
پاتراں اندر پاتر آن کھلہاردی اے،
گھڑیاں نُوں سِر تے چاونہاریاں گھڑیاں وِچ اُتاردی اے،
ہانڈی اندر ڈاہ دیندی اے
چُلھے ہانڈی ڈاہن ہارِیاں،
اِک دن میں آکھیا
ایہہ گل تے کھول اج گاجو،
اگلے دِہاڑے تھڑے نُوں تختہ پھانسی دا کر
مینوں اُپر کھلہار دِتا سُو،
میں پچُھیا،
چِھکیا کدوں ایہنے جانا اے ہیٹھوں؟
ناساں چَوڑِیاں کر آہندی اے
چِھکیا گیا تاں پِچھے ہَٹّی کُھل جانی اے،
پاتر مینڈے اُتھے وڑ کے سودا ہو وَینے نیں،
سانبھدی مگرے اوہناں نُوں
میں ہٹوانی ہو بہنائے، بھاء شپیا