نہ نی
میں نہیں کھاندی،
چُوہا نہیں چکچُوندر ای،
ڈِھد وڑ چک مریندا چُونڈھی وڈھیندا اے
اکھے میں وی جناور تُوں وی جناور
بھن چِتھ مینوں اندر کیوں سٹیا ای،
ماں کنوں ایتنی سُنی میں
سوچے پے گئی آں، چُوہا جناوَر نہیں؟
ماس کھاون ای چھوڑ دِتا میں،
دُدھ کتے ڈُلھیا ہووے
سُنگھ لک لئی دا اے اپنا کر کے
پیراں ہیٹھ پیا آوندائے
گھاہ دِیاں گندلاں چَھکی دیاں نیں،
جِبھ نُوں دسیندائے رس ساولا
ویلا آوندا ای پیا
واء دا اندر باہر سرن
ست سوادا رِزق نہالی ہو وینائے