فرید بھنڈار

مات حضُورِئیے

دَسیاں تیریاں

تیرے آکھن تے پلّے لئیاں اساں بَنھّ

کھولیاں کدے نہیں،

ہتھ جدوں وی پلّے نُوں پایائے

اندروں ایہو اَوازا آیائے

ساڈے کولوں مُڑ اوہا ای سُننی جے نا:

''گڈّو وڈّھو جِیویں وڈیاں دی رِیت اے

آکھو ملکاں مَہراں نُوں

سائیں ہتھ چاء پڑھو جو وڈیاں پڑھیا،

کر بِسم اللہ کھڑو جو اوہناں کھڑیا''

رہن دیو سانوں پَلّے بدھیاں

آکھو مات نُوں کَنّ کھجُورِئیے

پیراں دی فوج نُوں اپنی ہُن تُوں پُٹھی مارچ کرا

1- مات= 1) ماں، 2) ہار، 3) مایا- 2- حضُورِئیے= (ویہار دی) حضوری وِچ رہن والیئے-