فرید بھنڈار

مدن1 ڈھانی2 دِیاں

''کاہدے جوگا اسمان ایہہ ساڈے سِر دھریا اے''
''ہتھوں اَدَھریا آکھو
دھرت ہُلاس3 نُوں چُنگھ جُگو جُگ اَس مدناں
مدُھو واہن4 ایہہ وریا اے
''آہندے نیں عالم ایہہ بھوانٹی کھاندا اے
قسمت ساڈی نال بھوائی آندا اے''
''مَل کے ظالم ٹھیکے چاڑھ ایہہ واہن لاہا5 جوڑی آوندے نیں
عالم اپنی پتّی گِھن
ساڈی مت دی چکری بھوائی جاوندے نیں
ڈنگ ولاون کیتے

1- مدن= شہد دی مکھی- 2- ڈھانی= گروپ، جُوڑی، پارٹی- 3- ہُلاس= خوشی، لہر، ترنگ-
4- مدُھو (شہد) دا واہن (وگدا پہاڑوں ڈھلیا پانی، نالا)- 5- لاہا= منافع-