فرید بھنڈار

بوری تُوس1 جریندی2 آئی

ہوئی سبھیارے3 وِرل4 جِھیتلی5

کَن6 پھَس باہر آیا، کہ آئی

مگرے ہور سَرے سَریاں

اِک دُوجے نُوں ویکھ حیرانے،

ورھیاں اندر جپھیاں 7 دی

ساڈی کوئی جان پچھان نہ ہوئی

جِتنے جھپِیٹے اوتنے ورانے8،

چھوہ واء دی کُجھ کیتا اے

اِکے لوء سُرجن9 دی،

گل لگ سِٹِیوں نِسر

بی ہوون نُوں جی پیا کردا اے

1- تُوس= تُن، بھَرت- 2- جریندی= سہندی- 3- سبھیارے= چنگے سانگے، چانس- 4- وِرل= وِتھ- 5- جھیتلی= جھیت نِکی جیہی- 6- کَن= دانہ، رِزم، ایٹم- 7- جپھیاں = 1) گُھٹ بدھے، قبضے آئے، 2) جپھیاں پا کھلوتیاں دی- 8- ورانے= اوپرے- 9- سُرجن= 1) سُورج، 2) محبوب-

کَسّ1 بوری دی آہندی اے مینڈی بس ہوئی،

رل چھیکو چھیک اگَنڈھ2 کرو نا مینوں

سارا ہان3 نستارو4

ونڈ تنی تنی دی سَن5 سنیہہ6 تھی7 بُورے8

1- کَسّ= کِھچ، پکڑ- 2- اگَنڈھ= گنڈھ ہِین، گنڈھوں باجھ، آزاد- 3- ہان= سنگ-

4- نستارو= آزاد کرو- 5- سَن= 1) جِیوٹ، جیہدے نال بوری رسی بندی اے، 2) نالے، سنے-

6- سنیہہ= پیار، عشق- 7- تھی= ہو کے- 8- بُورے= پھَلے پھُلے، پھُل لگ پھَل بنن-