فرید بھنڈار

نشہ لاہے دا نِت لائی آون لئی

اوہناں دُھواں دُھکھایا جیہڑا

ساہ شہر دا زہر اوس کیتا،

چڑھ اُپر انبر پاڑ دِتا،

اوسے دُھکھ وِچوں جمیا اِک بے جان رِزم اَن دِسنا

جی جی اندر وڑ جَم1 ہویا،

اِک دُوجے وِچ جم تاڑ کے لاہے واناں نُوں

گھراں وِچ تڑنا پیا،

دہ دینہہ دُھوکھ نہ دُھکھی اوہناں دی

پاڑ انبر دا مِلن لگ پیا

شہر دے ساہ وِچوں زہر گیا

واء مُڑ اپنا آپ پچھاتا، ننگ پہن ول ہُلّی،

پرت سمندر پانی ہویا

1- جَم= موت دا دیوتا-

مِٹی جل واء بھا اگاس دے وَیری

وَیر زہر چَر مرنے پے گئے،

پنج تت مُڑ اِک ہو جِیوں پئے،

سُنیائے دُھوانکھڑ1 پئے آہندے نیں:

لبھ تے لینا ای اے

ایس وبا دا اساں اُپا

سو لاہے دا پھاہا گلوں لہن نہیں دینا

1- دُھوانکھڑ= دُھواں دُھکھاون والے-