فرید بھنڈار

''کیہ پئے لبھدے او سرکار''

''کُجھ نہیں''

''اوہ تے ایتھے کوئی نہیں''

''کون''

''جو دسی جے لبھدے او پئے''

''میں تے کُجھ نہیں دسی''

''اوہا تے پیا آہناں ایتھے کوئی نہیں''

''ہے کِسے کول؟''

''جیہڑا سمجھے میرے کول ہے اوہدے کول تے نہیں ہوندی''

''جیہڑا سمجھے میرے کول نہیں؟''

''اوہدے کول وی نہیں''

''کِسے کول وی نہ ہوئی پھیر تے''

''ہو تے سکدی اے''

''اوہ کیویں''

''کِسے دی جے نہ ہووے''

''کیہدی ہووے''

''ہر کِسے دی''

''اوہ تے اگلے جہان ای ہوسی''

''ایہہ وی تے اگلا ہو سکدا اے''

''لبھ گئی''

''کیہ''

''جو لبھدا نہیں ساں پیا''