سلیٹی سِرمٹ وِچوں
سِرکڈھ کلّر اِک کندھ تے
پیا وکھیندا اے بگی داڑھی دے داء فیشنی
دُوجی کندھ تے پُورا رنگ کھیڈیندا اے:
ساہمنے اِک گبھرُو اِک مُٹیار
وڈا سارا اِک پھُل سلیٹی
دُھر وِچکار اوہدے کلّر دُھنّی
کر کے سیج وِچھاوُ نیں،
ادھی بیٹھی ادھی اُٹھدی اِک گاں ماں
کوئی صلاح پئی اوہناں نوں دیندی اے،
دُوجے پاسے اِک ادّھ لنگور ادّھ ہاتھی
سِر مار ہُنگارا پیا دیندائے،
ایہہ تے جاپدائے اشتہار،
خبرے کاہدا،
تُہانوں پتہ ای اے
سِرمٹ اندروں نِکل کے بہندا کلّر
نقشے دُنیا دے نویں سو نویں بنا دسیندا رہندا اے