فرید بھنڈار

کِسے پاسے نہیں سانوں کھلوون دیندے

نہیں گھڑی پل ہوون دیندے جو وی ہاں،

بھار اوپرا چاون

اساں آہر کیتا،

ست سار پرایا پروار کیتا

پانڈی ہو رِدھی انت بھُکھ ہانڈی

ہُن ہڈاں چوں سُگھ پئی اَوہڑدی اے:

ملّ مار دا بھار

چاون ہار سِر موڈھے تیار کردائے

گھال دِیپ جی سانجھڑے تھال دھرو

تِھیوے دان بھانجی

مِٹی واء پانی دُھپ لاگ1 تروَر2،

لگّر کَپ کے بنسی بنائیے کیوں

اپنے نال جُدائی وجائیے کیوں،

انحد3 راگ تروَر

-1 لاگ= رشتہ- -2 تروَر= رُکھ--3 انحد= 1) انہت= سٹ ماریوں بِنا وجدا ساز، قُدرت دی واج، 2) بے حد-